ரோபோ சங்கர் நடிக்கும் அம்பி.. ரிலீஸ் தேதி அறிவிப்பு.!

Robo Shankar: பிரபல காமெடி நடிகர் ரோபோ சங்கர் நடிக்கும் அம்பி திரைப்படம் மே ஒன்பதாம் தேதி திரையரங்குகளில் வெளியாகிறது.

அம்பி படத்தில் ரோபோ சங்கர்

Robo Shankar's Ambi movie to release in theaters on May 9 2025

ByAkila Ramakrishnan

Published on: May 4, 2025 at 3:33 pm

சென்னை மே 4 2025: பிரபல நகைச்சுவை நடிகர் ரோபோ சங்கர் கதாநாயகனாக அம்பி என்ற திரைப்படத்தில் அறிமுகம் ஆகிறார். தமிழ் சினிமாவை பொருத்தமட்டில் நகைச்சுவை கதாபாத்திரத்தில் தொடங்கி கதாநாயகர்களாக உயர்ந்த பட்டியலில் நடிகர் சந்தானம் முதலிடத்தில் உள்ளார்.

அவருக்குப் பின் சின்ன சின்ன கதாபாத்திரத்தில் தோன்றி தற்போது கதாநாயகன் அந்தஸ்துக்கு உயர்ந்துள்ளார் நடிகர் சூரி. வெற்றிமாறன் இயக்கத்தில் இவர் நடித்த விடுதலை திரைப்படம் மிகவும் கவனம் பெற்றது. விடுதலைப் பாகம் இரண்டும் மக்கள் மத்தியில் பேசு பொருளானது.

இதற்கிடையில், காமெடியில் கலக்கி வரும் நடிகர் யோகி பாபு கதையின் நாயகனாக நடித்து மிகப்பெரிய வெற்றியை ருசித்த படம் மண்டேலா. இந்தப் படத்தில் கதைகளும் மிகவும் அருமையாக அமைக்கப்பட்டிருக்கும்.

இந்த கால அரசியலை நம் கண் முன்னே கொண்டு வரும். படத்தில் யோகி பாபுவின் நடிப்பு கைத்தட்டல். இதனை தொடர்ந்து தற்போது மீண்டும் ஒரு திரைப்படத்தில் நடிகர் யோகி பாபு கதாநாயகனாக நடித்துள்ளார்.

இந்த படம் 2025 16ஆம் தேதி ரிலீசாகிறது. இந்த நிலையில், நடிகர் ரோபோ சங்கரின் அம்பி திரைப்படம் 2025 மே ஒன்பதாம் தேதி திரையரங்குகளில் ரிலீஸ் ஆகிறது. பாஸர் ஜே எல்வின் எழுதி இயக்கி உள்ள இந்த திரைப்படத்தில், முரளிதரன் என்பவர் இசையமைப்பு பணிகளை கவனித்துள்ளார். பாடல்களை நான் ராசா எழுதியுள்ளார்.

படத்தில் இமாம் அண்ணாச்சி, மீசை ராஜேந்திரன் என பல நட்சத்திரங்கள் நடித்துள்ளனர். இந்தப் படத்தின் மூலம் கதாநாயகன் அந்தஸ்துக்கு நகைச்சுவை நடிகராக அறிமுகமான ரோபோ சங்கரும் உயர்ந்துள்ளார்.

இதையும் படிங்க: 42 வயதில் கவர்ச்சி நடனம் ஆட தயாரான ஸ்ரேயா.. சம்பளம் எவ்வளவு தெரியுமா?